Lirik Lagu Do Do Daidi

Allah hai  dodo da idi

Boh gadong bi boh kayee uteun

Rayeuk sinyak hana peu mak bri

Ayeb ngon keuji ureung donya keun

Allahai do do da ida

Seualayang blang ka putoh talo

Beu rijang rayeuk muda sedang

Tajak Bantu prang ta bela nanggroe

Wahe aneuk bek ta duk le

Beudoh sare ta bela bangsa

Bek ta takot keu darah ile

Adak pih mate poma ka rela

Jak lon tateh, meujak lon tateh

Beudoh hai aneuk tajak u Aceh

Meube bak on ka meu be timphan

Meu be badan bak sinyak Aceh

Allah hai po Ilahon ha

Gampong jarak han trok lon wo

Adak na bule ulon teureubang

Mangat rijang trok u nanggroe

Allah hai jak lon timang treuk

Sayang riyeuk di sipreuk pante

Oh rayeuk sinyak yang puteh meupreuk

Toh sinaleuk gata boh hate